Niko Uilyams qərar verdi

“Atletik Bilbao” klubunun yarımmüdafiəçisi Niko Uilyams “Barselona”ya keçidlə bağlı razılıq verib. 

TodayPress TV xəbər verir ki, bu barədə məşhur transfer eksperti Fabritsio Romano məlumat yayıb.

Bildirilir ki, Uilyams hələ də “Bavariya” və “Arsenal”ın transfer hədəfləri sırasındadır. Amma onu transfer etmək baxımından hazırda ən real namizəd məhz “Barselona”dır.

Bununla yanaşı, Niko Uilyamsın hazırkı klubu “Atletik” onun komandada qalması üçün yeni müqavilə təklif etməyə hazırdır. Klub futbolçunu heyətdə saxlamaq üçün son cəhdlərini edir.

Qeyd edək ki, “Atletik”in əsas hücum silahlarından biri olan Niko Uilyams son mövsüm bütün turnirlərdə 42 oyuna çıxaraq 11 qol vurub.

Namiq HUN