“Mançester Yunayted”dən Kerrik qərarı – müqavilə rəsmiləşdi!
“Mançester Yunayted” klubu Maykl Kerrikin baş məşqçi postuna təyinatını rəsmən təsdiqləyib.
TodayPress TV klubun mətbuat xidmətinə istinadən xəbər verir ki, daha əvvəl komandaya müvəqqəti rəhbərlik edən Kerrik növbəti mövsümdə də “qırmızı şeytanlar”ı çalışdıracaq.
Klub tərəflər arasında yeni müqavilə imzalandığını açıqlayıb. Məşqçi ilə sözləşmə 2028-ci ilə qədər nəzərdə tutulub.
44 yaşlı mütəxəssis bu ilin 13 yanvarında Ruben Amorimin istefasından sonra komandaya baş məşqçi təyin olunmuşdu. Onun ilk müqaviləsi 2026-cı ilin yayına qədər qüvvədə idi.
Qeyd edək ki, Kerrikin rəhbərliyi altında “Mançester Yunayted” Premyer Liqada keçirdiyi 15 oyunun 10-da qələbə qazanıb və növbəti mövsüm üçün UEFA Çempionlar Liqasına vəsiqə əldə edib.
Namiq HUN
