Kerri hələ bitməyib – ulduzdan azarkeşlərə mesaj

Stefen Kerri ABŞ Milli Basketbol Assosiasiyasının (NBA) “Qolden Steyt Uorriorz” klubundakı gələcəyi barədə açıqlama verib.

TodayPress TV xəbər verir ki, o, bu barədə “Finiks Sans” ilə (96:111) oyundan sonra təşkil olunan mətbuat konfransında danışıb. 

Ulduz basketbolçu NBA-da karyerasını nə qədər davam etdirəcəyinə toxunaraq bildirib:

“Dəqiq olaraq daha bir neçə il oynayacağam. Hələ müqavilənin uzadılması ilə bağlı danışıq olmayıb, buna görə də “Uorriorz”u maraqlı yay gözləyir”.

Cari mövsümdə 43 oyuna çıxan basketbolçu orta hesabla 26,6 xal, 4,7 asist və 3,6 ribaund göstəricilərinə malikdir. O, üç xallıq atışlarda 39,3%, cərimə atışlarında isə 92,3% dəqiqlik nümayiş etdirir.

Qeyd edək ki, Stefen Kerri “Qolden Steyt Uorriorz” tarixinin ən böyük oyunçularından biri hesab olunur. O, klubla 4 dəfə NBA çempionu olub, 2 dəfə liqanın MVP-si seçilib və Olimpiya çempionudur. Təcrübəli pleymeyker artıq 14 mövsümdür eyni komandada çıxış edir.

Namiq HUN

TodayPress TV