“İnter” Luis Enrikeni heyətinə qatdı

İtaliyanın “İnter” klubu braziliyalı yarımmüdafiəçi Luis Enrikenin transferini rəsmən elan edib. 

TodayPress TV xəbər verir ki, bu barədə məlumat Milan təmsilçisinin rəsmi saytında yer alıb.

23 yaşlı futbolçu “Marsel” klubundan transfer olunub. O, “İnter”lə 5 illik müqavilə imzalayıb. Transferin məbləği təxminən 25 milyon avro təşkil edib.

Luis Enrike son mövsümdə “Marsel”in heyətində bütün turnirlərdə 35 oyuna çıxıb, 9 qol vurub və 10 məhsuldar ötürmə edib. O, 2020-ci ilin sentyabrında 8 milyon avroya Braziliyanın “Botafogo” klubundan “Marsel”ə keçib. 

Namiq HUN