Həlak olan futbolçunun pulu ailəsinə çatdı
“Liverpul” klubu mərhum futbolçu Dioqu Jotanın müqaviləyə əsasən almalı olduğu məbləği ailəsinə ödəyib.
TodayPress TV xəbər verir ki, bu barədə “TNT” məlumat yayıb.
Mersisayd təmsilçisi sözləşmənin qalan iki ili üçün nəzərdə tutulan pulu hücumçunun yaxınlarına verib. Məbləğin 10 milyon funt sterlinq təşkil etdiyi bildirilir.
Qeyd edək ki, Dioqu Jota iyulun 3-də qardaşı Andre Silva ilə birlikdə avtomobil qəzasında həlak olub. 2020-ci ildən “Liverpul”da çıxış edən Jota 182 oyunda 65 qol vurub və 26 məhsuldar ötürmə ilə yadda qalıb. O, 2024/2025-ci illər mövsümündə “Liverpul” ilə İngiltərə Premyer Liqasının qalibi olub.
Namiq HUN
