Gənc istedad faciəvi şəkildə həyatını itirdi
Futbolçu Antoni İlano Braziliyada baş verən yol-nəqliyyat hadisəsi nəticəsində həyatını itirib.
TodayPress TV xəbər verir ki, bu barədə The Sun nəşri məlumat yayıb.
Mənbənin məlumatına görə, “Piauí” gənclər komandasının oyunçusu İlano səhər tezdən ad günü münasibətilə keçirilən tədbirdən evə qayıdarkən yolda qəza keçirib. Futbolçunun idarə etdiyi motosiklet yolun ortasında olan inəklə toqquşub.
20 yaşlı futbolçu hadisə yerində dünyasını dəyişib. Antoni İlano bölgənin ən perspektivli gənc futbolçularından biri sayılırdı və daim gənclər liqasında çıxış edirdi.
Namiq HUN
