Amerikalı əfsanə Luka Donçiçə məsləhət verdi

ABŞ Milli Futbol Liqasının (NFL) Şöhrət Zalının üzvü və üçqat Superboul çempionu Şennon Şarp, Milli Basketbol Assosiasiyasının (NBA) “Los-Anceles Leykers” klubunun ulduz oyunçusu Luka Donçiçə qeyri-adi məsləhətlər verib. 

TodayPress TV xəbər verir ki, hazırda idman şərhçisi kimi fəaliyyət göstərən Şarp, Donçiçin sağlamlıqla bağlı qeyri-müntəzəm vərdişlərinə toxunaraq Nightcap podkastında çıxış edib.

“Bax, altı banka pivə al, bir yeşik yox. Dediyim budur. Özünə altılıq paket al və kifayətdir, bir yeşik almağa ehtiyac yoxdur. Qəlyana gəlincə, eyni prinsip: nəhəng qəlyan alma, az miqdarda yetərlidir. Elə etmə ki, altı-səkkiz nəfər eyni anda onu çəkə bilsin”, - deyə Şarp bildirib.

Qeyd edək ki, Luka Donçiç son aylarda yüksək səviyyəli performansı ilə yanaşı, meydandan kənar vərdişləri ilə də medianın diqqət mərkəzində olub.

Namiq HUN