ABF Avropa çempionatında yaşanan qalmaqala aydınlıq gətirdi

Azərbaycan Boks Federasiyası (ABF) Serbiyanın Zlatibor şəhərində məktəbli boksçular arasında keçirilən Avropa çempionatında Yusif Ağakişiyevlə (75 kq) Viktor Maystroviçin final görüşündə texniki direktor Hamza Avezovla bağlı yaşanan qalmaqala aydınlıq gətirib.

Bu barədə TodayPress TV-yə ABF-nin mətbuat xidmətindən məlumat verilib.

İdman etikasına uyğun hərəkət etmədiyinə görə (rinqə çıxıb hakimə fiziki təsir etmək - red.) H.Avezovla bağlı ABF-nin təlimatına və qaydalara uyğun olaraq addım atılacağı bildirilib.

Adıçəkilən döyüşdə şimali makedoniyalı hakim Stefan Subalevskinin qərəzli yanaşaraq, şəxsi maraqlarını üstün tutaraq, saxtakarlıq edərək boksçumuzun təmiz qələbəsini əlindən aldığı və onu çempionluqdan məhrum etdiyi qeyd olunub.

ABF hakim barədə tədbir görülməsi üçün də aidiyyəti beynəlxalq təşkilata müraciət ünvanlayacaq.