Vens: "ABŞ Qəzzaya və ya İsrailə qoşun yeritməyəcək"
"ABŞ Prezidenti Donald Tramp Qəzza zolağına və ya İsrailə qoşun yerləşdirməyi planlaşdırmır və mətbuatda onun 200 əsgər göndərməyə hazırlaşdığı barədə xəbərləri təkzib edir".
TodayPress TV xəbər verir ki, bunu ABŞ-nin vitse-prezidenti Ceyms Devid Vens "ABC News" telekanalına müsahibəsində deyib.
Vens xatırladıb ki, ABŞ Mərkəzi Komandanlığının artıq bölgədə atəşkəs rejiminə nəzarət edəcək və humanitar yardım axınını təmin edəcək personalı var.
O əlavə edib ki, İndoneziya da daxil olmaqla, bir neçə böyük müsəlman ölkəsi atəşkəsi qorumaq və anklavda təhlükəsizliyi təmin etmək üçün Qəzza zolağına öz qoşunlarını yerləşdirməyə hazır olduqlarını bildiriblər.
