Türkiyə Rusiya və Ukrayna arasında danışıqların davam edəcəyinə ümid edir

Türkiyə Rusiya və Ukrayna nümayəndə heyətləri arasında İstanbulda keçirilən danışıqların ardınca tərəflər arasında dialoqun davam etdiriləcəyinə ümid edir.

TodayPress TV xəbər verir ki, bu barədə ölkənin xarici işlər naziri Hakan Fidan məlumat verib.

Nazirin sözlərinə görə, Türkiyə sülhün və diplomatik həll yollarının tərəfdarı olaraq vasitəçilik səylərini bundan sonra da davam etdirməyə hazırdır. O, qeyd edib ki, İstanbulda baş tutan danışıqların özü belə qarşıdurmanın azaldılması baxımından mühüm addımdır.

Rəsmi Ankara tərəfləri sülh istiqamətində konstruktiv yanaşma nümayiş etdirməyə çağırır.

Töhfə Səməd