Tramp: "Biz onlara silah tədarükünü artıracağıq"

ABŞ administrasiyası Ukraynaya hərbi yardım göstərən NATO üzrə müttəfiqlərinə silah tədarükünü artırmaq niyyətindədir.

TodayPress TV xəbər verir ki, bu barədə ABŞ Prezidenti Donald Tramp bəyan edib.

"Biz artıq Ukraynanın maliyyələşdirilməsində iştirak etmirik, lakin biz Ukraynada müharibəni və insan ölümlərini dayandırmağa çalışırıq. Biz NATO-ya milyardlarla dollar dəyərində raketlər və hərbi texnika satırıq. Onlar müharibəni tam şəkildə maliyyələşdirirlər. Biz heç nəyi maliyyələşdirmirik", - o bildirib.

Tramp bu tədarüklərin davam edəcəyini bildirib.