SEPAH generalı öldürüldü

İsrail Müdafiə Qüvvələri İran ərazisinə həyata keçirdiyi gecə hücumu zamanı İslam İnqilabı Keşikçiləri Korpusunun (SEPAH) generalı, İran Silahlı Qüvvələrinin “Xatəm əl-Ənbiya” Hava Hücumundan Müdafiə Qərargahının rəhbəri Əli Şadmanini zərərsizləşdirdiyini açıqlayıb.

TodayPress TV xəbər verir ki, bu barədə İsrail ordusu məlumat yayıb.

“İsrail Hərbi Hava Qüvvələrinin qırıcıları, dəqiq kəşfiyyat məlumatları əsasında Tehranın mərkəzində yerləşən qərargaha hava hücumu həyata keçirib. Hücum nəticəsində İran rəhbəri Əli Xameneiyə ən yaxın şəxslərdən biri hesab edilən general Əli Şadmani məhv edilib”, - deyə məlumatda bildirilib.

Bəyanatda həmçinin qeyd olunur ki, Əli Şadmani İran ordusunun ən yüksək rütbəli komandirlərindən biri olub.

Töhfə Səməd