Roma Papası Qəzzadakı hücumu pislədi
Papa XIV Leo İsrailin Qəzza zolağında Müqəddəs Ailə Katolik Kilsəsinə edilən hərbi hücumda ölən və yaralananlara başsağlığı verib və dərhal atəşkəsə çağırıb.
TodayPress TV xəbər verir ki, bu barədə Taxt-Tacın mətbuat xidməti məlumat yayıb.
Papa XIV Leonun adı ilə dövlət katibi kardinal Pietro Parolin tərəfindən göndərilən teleqramda hücumdan dərin kədərləndiyi və kilsə icması ilə mənəvi yaxınlıq ifadə olunub.
Papa vəfat edənlərin ruhunu Uca Tanrının rəhmətinə əmanət edib, kədərlənənlərə təsəlli verib və yaralıların sağalması üçün dua edir.
O, dialoq, barışıq və bölgədə davamlı sülhə böyük ümid bəslədiyini vurğulayıb.
Türkan İsgəndərli
