Qəzzada yardım gözləyən 116 nəfər öldü

Son 24 saat ərzində İsrailin Qəzza zolağına endirdiyi hava zərbələri nəticəsində azı 116 nəfər həlak olub.

TodayPress TV xəbər verir ki, bu barədə Qətərin “Al Jazeera” məlumat yayıb.

Bildirilib ki, ölənlərdən 38 nəfəri ABŞ-nin nəzarətində olan Qəzza Humanitar Fondunun ərzaq paylama məntəqəsinin yaxınlığında yardım gözləyən şəxslər olub.

Beynəlxalq təşkilatların məlumatına görə, may ayından bu günə qədər humanitar yardım almağa çalışarkən 900-ə yaxın insan həyatını itirib.

Qəzza Səhiyyə Nazirliyi bildirir ki, xəstəxanaların təcili yardım otaqları dolub və hazırda 17 min uşaq ağır qida çatışmazlığından əziyyət çəkir.

Türkan İsgəndərli