Qazaxıstanda niqab taxmaq qadağan edildi
Qazaxıstan prezidenti Kasım-Jomart Tokayev sifətin tanınmasına mane olan geyimlərin geyinilməsini qadağan edən qanunu imzalayıb.
TodayPress TV xəbər verir ki, bu barədə "NUR.KZ" portalı ölkə rəhbərinin nümayəndəliyinə istinadən məlumat yayıb.
Qanunda müəyyən istisnalar da nəzərdə tutulur. Belə hallar sırasına xidməti vəzifələrin yerinə yetirilməsi, tibbi zərurətlər, hava şəraiti ilə bağlı hallar və digər qanuni əsaslar daxildir.
Qeyd edək ki, bu mövzu qonşu ölkələrdə də gündəmdədir.
Türkan İsgəndərli
