Mişustin Avrasiya Şurasının iclasını yarımçıq tərk etdi

Rusiyanın Baş naziri Mixail Mişustin Qırğızıstanda keçirilən Avrasiya Hökumətlərarası Şurasının iclasını tədbir başa çatmamış tərk edib.

TodayPress TV xəbər verir ki, o, bu addımını Alyaskada keçiriləcək Rusiya-ABŞ sammiti ilə əlaqələndirib.

"Bağışlayın, Moskvaya qayıtmalıyam. Bilirsiniz ki, bu gün Alyaskada Prezidentlər Vladimir Vladimiroviç Putin və Donald Trampın iştirakı ilə Rusiya-Amerika sammiti olacaq. Mən Rusiyada iştirak etməliyəm", – Mişustin görüş iştirakçılarına bildirib.

Qeyd edək ki, Rusiya və ABŞ prezidentlərinin görüşü avqustun 15-də Alyaskada keçiriləcək. Danışıqların əsas mövzusunun Ukrayna məsələsi olacağı gözlənilir.

Türkan İsgəndərli