Lavrov və Əraqçi telefonla danışdı

Rusiya xarici işlər naziri Sergey Lavrov İranın xarici işlər naziri Abbas Əraqçi ilə telefon danışığı aparıb.

TodayPress TV xəbər verir ki, bu barədə Rusiya Xarici İşlər Nazirliyinin saytında məlumat yerləşdirilib.

Məlumata görə, Əraqçi Lavrovu Böyük Britaniya, Almaniya və Fransa XİN rəhbərləri ilə apardığı telefon danışıqlarının nəticələri barədə ətraflı məlumatlandırıb. Danışıqların əsas mövzusu İranın nüvə proqramının ətrafında yaranmış vəziyyətin diplomatik yolla həlli olub.

Rusiya tərəfi öz növbəsində, regionda gərginliyin azaldılması və Birgə Hərtərəfli Fəaliyyət Planının (SİPA) qorunub saxlanılması istiqamətində səylərə bundan sonra da töhfə verməyə hazır olduğunu təsdiqləyib.

Tərəflər həmçinin ikitərəfli gündəlikdəki prioritet məsələlərə toxunublar. Buraya 2025-ci il yanvarın 17-də prezidentlər tərəfindən imzalanmış Rusiya-İran hərtərəfli strateji tərəfdaşlıq müqaviləsinin həyata keçirilməsi də daxildir.

Qiymət Mahir