İran XİN: ABŞ və İsraillə danışıqlar mənasızdır

İranın xarici işlər nazirinin müavini Məcid Təxt Rəvançi ABŞ-nin İranın nüvə obyektlərinə endirdiyi hava zərbələrindən sonra Vaşinqton və Tel-Əvivlə danışıqlar imkanını istisna edib.

TodayPress TV xəbər verir ki, bu barədə o, Almaniyanın "ARD" telekanalına açıqlama verib.

“Danışıqları davam etdirmək tamamilə mənasızdır”, - deyə Təxt Rəvançi bildirib.

O əlavə edib ki, İran sadəcə danışıqlar üçün danışıqlar aparmaq istəmir və İran ordusu hansı addımı atmalı olduğunu dəqiq bilir.

Xatırladaq ki, ABŞ Prezidenti Donald Tramp iyunun 22-nə keçən gecə İranın Fordo, Natanz və İsfahan şəhərlərində yerləşən üç nüvə obyektinə uğurlu hücum həyata keçirdiklərini açıqlayıb və Tehranı münaqişəyə son qoymağa çağırıb.

Töhfə Səməd