İran uçuşlara qoyulan qadağanı daha 24 saat uzatdı

İran hakimiyyəti ölkədəki bütün daxili və beynəlxalq aviareyslərin ləğvini daha bir gün müddətinə uzadıb.

TodayPress TV xəbər verir ki, bu barədə "Mehr" agentliyi məlumat yayıb.

Bildirilib ki, bütün uçuşların ləğvi 25 iyun, Bakı vaxtı ilə saat 14:30-a qədər qüvvədə olacaq.

Qeyd edək ki, 24 iyun səhəri ABŞ Prezidenti Donald Tramp İsrail və İran arasında atəşkəs rejiminin qüvvəyə mindiyini elan etmiş, tərəfləri bu razılaşmanı pozmamağa çağırmışdı. Lakin daha sonra Tramp bəyan etmişdi ki, həm İsrail, həm də İran atəşkəs rejimini pozub.

Töhfə Səməd