Gürcüstanda azərbaycanlı məktəbliyə xəsarət yetirildi
Gürcüstanın Kaspi rayonunun azərbaycanlıların yaşadığı Ferma kəndində məktəb ərazisində insident baş verib.
TodayPress TV xəbər verir ki, 6-cı sinif şagirdi olan 12 yaşlı azərbaycanlı kəsici-deşici alətlə əlindən xəsarət alıb.
Yayılan məlumatlara əsasən, məktəbliyə xəsarəti həmyaşıdı yetirib.
Ferma sakinlərinin sözlərinə görə, məktəb rəhbərliyi insidenti gizlətməyə çalışıb və hadisə barədə polisə məlumat verməyib.
Yeniyetməyə xəstəxanada tibbi yardım göstərilib. O, artıq evə buraxılıb, vəziyyəti stabildir.
Gürcüstanın Daxili İşlər Nazirliyindən bildirilib ki, faktla bağlı qəsdən sağlamlığa yüngül xəsarət yetirmə maddəsi ilə araşdırma aparılır.
