Gürcüstan Prezidenti 70 məhbusu əfv etdi
Tsitsxovloba dini bayramı münasibətilə Gürcüstan Prezidenti Mixail Kavelaşvili 70 nəfəri əfv edib.
TodayPress TV xəbər verir ki, bu barədə "İnterfaks" məlumat yayıb.
Məlumata görə, prezidentin əfv fərmanı azadlıqdan məhrum etmə ilə əlaqədar olmayan cəza çəkən 42 nəfər və həbs cəzası çəkən 24 nəfərə şamil olunub, 4 nəfərin isə cinayət qeydi silinib.
Tsitsxovloba Gürcüstanda hər il oktyabrın 14-də qeyd olunur. Bayram ölkənin qədim paytaxtı Mtsxetadakı Tsitsxoveli məbədinin şərəfinə keçirilir. Əfsanəyə görə, bu məbəd Gürcüstanın ilk və ən müqəddəs ziyarətgahıdır. Bu gün insanlar məbədlərə axışır, dini mərasimlərdə iştirak edir, küçə tədbirləri və şənliklər keçirilir.
Türkan İsgəndərli
