“Google Chrome”da boşluq aşkarlandı

“Google Chrome” brauzerində təhlükəli boşluq aşkarlanıb və şirkət bu problemi aradan qaldırmaq üçün təcili yeniləmə yayıb.

TodayPress TV xəbər verir ki, boşluq “CVE-2025-4664” identifikatoru ilə tanınıb və onu “Solidlab” mütəxəssisi Vsevolod Kokorin aşkarlayıb. 

Səhv “Loader” komponentindəki zəifliklə bağlıdır və zərərli saytlar vasitəsilə “OAuth” avtorizasiya tokenlərinin oğurlanmasına səbəb ola bilərdi.

“Google” boşluğu “Chrome”ın “136.0.7103.113” (Windows/Linux) və “136.0.7103.114” (macOS) versiyalarında aradan qaldırıb. Şirkət istifadəçilərə brauzeri dərhal yeniləməyi tövsiyə edir, çünki bu boşluq üçün ictimaiyyətə açıq istismar vasitəsi artıq mövcuddur.

Qiymət Mahir