Estoniya Ukrayna üçün konfrans keçirəcək

Estoniya 2027-ci ildə Ukraynanın iqtisadi bərpasına həsr olunmuş beynəlxalq konfransa ev sahibliyi edəcək.

TodayPress TV xəbər verir ki, bu barədə Estoniya Baş naziri Kristen Mixal ölkənin dövlət yayımçısı "ERR" vasitəsilə açıqlama verib.

“Bütün hökumətləri, biznes nümayəndələrini və vətəndaş cəmiyyətini Ukraynanın gələcəyinə dəstək üçün bizə qoşulmağa çağırırıq”, – deyə Baş nazir bildirib.

Məlumatda o da qeyd olunur ki, son illərdə Estoniya Ukraynanın iqtisadi bərpası üçün təxminən 42 milyon avro vəsait ayırıb. Tallinn yaxın illərdə də bu istiqamətdə yeni maliyyə dəstəyinin göstərilməsini planlaşdırır.

Qiymət Mahir