Estoniya 273 Belarus vətəndaşına ölkəyə giriş qadağası qoydu

Estoniya hökuməti Belarus prezidenti Aleksandr Lukaşenko da daxil olmaqla 273 Belarus vətəndaşının ölkəyə girişinə qeyri-müəyyən qadağa qoyub. 

TodayPress TV xəbər verir ki, bu barədə Estoniya Xarici İşlər Nazirliyi məlumat yayıb.

Estoniyanın xarici işlər naziri Marqus Tsaxkna bildirib ki, Belarusda sanksiyalardan sonra demək olar ki, beş il ərzində heç bir müsbət dəyişiklik olmayıb.

Qadağa siyahısına yüksək vəzifəli məmurlar, hakimlər və təhlükəsizlik xidmətinin əməkdaşları da daxildir. Estoniya 2020-ci ildən etibarən Belarus rejiminə qarşı sanksiyalar tətbiq edir.

Türkan İsgəndərli