Əfqanıstanda yol qəzaları 7 nəfərin həyatına son qoydu
Əfqanıstanın Bədəxşan vilayətində baş verən iki ayrı yol qəzası nəticəsində 7 nəfər ölüb, 1 nəfər isə ağır yaralanıb.
TodayPress TV xəbər verir ki, vilayət polis idarəsinin açıqlamasına əsasən, ilk qəza cümə günü günortadan sonra Şəhr-i-Bazarq rayonunda baş verib.
Hadisə nəticəsində 5 sərnişin ölüb, 1 nəfər isə ağır yaralanıb.
Elə həmin gün qonşu Ragistan rayonunda baş verən digər qəzada isə 2 nəfər həyatını itirib. Avtomobilin aşaraq çevrildiyi bildirilir.
Qəzaların səbəbləri barədə araşdırma aparılır.
Qiymət Mahir
