Bolqarıstan XİN vətəndaşlarını Yaxın Şərqi tərk etməyə çağırdı

Bolqarıstan Xarici İşlər Nazirliyi vətəndaşlarına Yaxın Şərq ölkələrini dərhal tərk etmələri barədə xəbərdarlıq edib.

TodayPress TV xəbər verir ki, xarici işlər nazirinin müavini Marin Raykov bunu brifinqdə açıqlayıb və mövcud risklərin çox tez bir zamanda real təhlükəyə çevrilə biləcəyi barədə xəbərdarlıq edib.

Raikov qeyd edib ki, regionda mövcud olan risklər 5-ci kateqoriyaya yüksəldilib, bu da bütün mümkün təxliyə yollarının bağlana biləcəyi və ölkələr arasında səyahətlərin qadağan olunacağını göstərir.

Nazir müavini vurğulayıb ki, hava məkanının bağlı olduğu bir vəziyyətdə Bolqarıstan bu xəbərdarlığı qulaqardına vuran vətəndaşları təxliyə etmək üçün pulsuz uçuşlar təmin edə bilməyəcək.

Bolqarıstan Xarici İşlər Nazirliyinin məlumatına görə, təkcə BƏƏ-də təxminən 2000 Bolqarıstan vətəndaşı var.

Nicat Osmanlı