ABŞ yenidən Britaniyada nüvə bombaları yerləşdirdi

ABŞ 17 ildən sonra ilk dəfə Böyük Britaniya ərazisində nüvə silahları yerləşdirib. 

TodayPress TV xəbər verir ki, bu barədə İngiltərə Müdafiə Jurnalı məlumat yayıb.

Nəşrin iddiasına görə, bir neçə "B61-12" tipli termonüvə bombası Suffolkdakı "RAF Lakenheath" aviabazasına köçürülüb. Qeyd olunur ki, bu bazada əvvəllər ABŞ-nin nüvə silahları saxlanılırdı, lakin 2008-ci ildə Avropadakı nüvə arsenalının azaldılması çərçivəsində çıxarılmışdı.

Hesabatda bildirilir ki, nüvə bombalarının bazaya qaytarılması, Rusiya ilə münasibətlərin pisləşməsi fonunda, NATO-nun Avropadakı nüvə strategiyasında dəyişiklik olduğunu göstərir.

Rəsmi Vaşinqton və London bu iddialarla bağlı hələlik rəsmi açıqlama verməyib.

Türkan İsgəndərli