Rusiya və Ukrayna arasında əsir mübadiləsi baş tutdu

Bir qrup Rusiya əsgəri Ukraynanın nəzarətində olan ərazilərdən geri qaytarılıb. 

TodayPress TV xəbər verir ki, bu barədə Rusiya Müdafiə Nazirliyi məlumat yayıb.

Mübadilə iyunun 19-da Rusiya və Ukrayna arasında İstanbulda əldə olunmuş razılaşma əsasında həyata keçirilib.

Müdafiə Nazirliyi qeyd edib ki, əvəzində Ukrayna Silahlı Qüvvələrinin bir qrup hərbi əsiri təhvil verilib.

Hazırda Rusiya hərbçiləri Belarusdadır və onlara tibbi və psixoloji yardım göstərilir. Daha sonra onlar müalicə və reabilitasiya üçün Rusiya Müdafiə Nazirliyinin tibb müəssisələrinə aparılacaqlar.

Qeyd edək ki, bu, iyunun 2-də əldə edilən razılaşmalar çərçivəsində baş tutan ikinci mübadilədir. İyunun 14-də də oxşar mübadilə həyata keçirilib.

Türkan İsgəndərli