Kamran Əliyev Zaqatalada vətəndaşları qəbul edəcək
Baş prokuror Kamran Əliyev iyulun 18-də Zaqatalada vətəndaşları qəbul edəcək.
Bu barədə TodayPress TV-yə Baş Prokurorluğun Mətbuat xidmətindən məlumat verilib.
Bildirilib ki, saat 10:00-da Zaqatala rayon prokurorluğunun inzibati binasında keçiriləcək görüşdə Zaqatala, Şəki, Qax və Balakən rayon sakinləri iştirak edə bilər:
"Vətəndaşların qəbulla bağlı qeydiyyatı və Zaqatala rayonuna gəlmələrinin təşkili rayon prokurorları tərəfindən həyata keçiriləcək. Vətəndaşlar yaşadıqları ərazi üzrə rayon (şəhər) prokurorluqlarına yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07, (012) 361-14-22, (012) 361-01-48 nömrəli telefonları, [email protected] elektron poçt ünvanı, həmçinin prokurorluğun sosial şəbəkələrdəki səhifələri (İnstagram, Facebook və X) vasitəsilə də qəbula yazıla bilərlər"
