Dünyada əhali evsiz qalıb
“Ev təminatının və dayanıqlı şəhərsalmanın ortaq gələcəyimiz üçün mərkəzi əhəmiyyət kəsb etdiyinə dair dünyada artan bir ortaq rəy var. Odur ki, özümüzə xatırlatmalıyıq ki, biz bu yola tamamilə sıfırdan başlamırıq. Hazırda dünyanın bütün bölgələrində mənzil təminatı iqtisadi artım, sosial bərabərlik və iqlim dəyişikliyinə dözümlülüklə birbaşa bağlı olan mühüm bir siyasi prioritetə çevrilməkdədir”.
TodayPress TV xəbər verir ki, bunu Ümumdünya Şəhərsalma Forumunun 13-cü sessiyasının (WUF13) rəsmi açılış mərasimində BMT-nin Məskunlaşma Proqramının (UN-Habitat) icraçı direktoru Anaklaudia Rossbax deyib.
İcraçı direktor mənzil təminatı və şəhərsalma sahəsində qlobal miqyasda müxtəlif qitələrdə həyata keçirilən strateji yanaşmaları diqqətə çatdırıb:
“Afrika qitəsində hökumətlər əlçatan mənzil təminatı, qeyri-qanuni yaşayış məskənlərinin təkmilləşdirilməsi və infrastruktur investisiyaları istiqamətində mühüm addımlar atırlar. Asiya və Sakit okean regionunda bir çox ölkələr şəhərlərin yenidən qurulması, qiymətlərin uyğunlaşdırılması və irimiqyaslı mənzil tikintisinin genişləndirilməsi xəttini götürüb. Latın Amerikası və Karib hövzəsində isə sosial mənzil təminatı və ictimai nəqliyyata yönümlü şəhərsalma layihələri böyük sürət qazanır”.
Anaklaudia Rossbax Yaxın Şərq və Qərb ölkələrində şəhərlərin qarşılaşdığı spesifik çağırışlara və tətbiq olunan həll yollarına da toxunub:
“Yaxın Şərqdə mənzil siyasəti getdikcə daha çox iqtisadiyyatın şaxələndirilməsi və demoqrafik dəyişikliklərlə əlaqələndirilir. Avropa və Şimali Amerikada isə hökumətlər artan şəhər təzyiqlərinə cavab olaraq əlçatan mənzil təminatını gücləndirir, kirayə haqlarını tənzimləyir və təklifin artırılmasına yönəlmiş islahatlar həyata keçirirlər”.
Qiymət Mahir
