Mask partiyası ilə bağlı iddialara cavab verdi

Amerikalı milyarder İlon Mask öz siyasi partiyasının yaradılmasını dayandırması ilə bağlı "The Wall Street Journal" (WSJ) nəşrinin məlumatına sərt cavab verib. 

TodayPress TV xəbər verir ki, o, bu barədə sosial şəbəkə platforması "X"də paylaşım edib.

Mask bildirib ki, "WSJ"nin verdiyi heç bir məlumat doğru deyil. O, cavabında qeyd edib ki, partiya müxtəlif namizədləri dəstəkləyə bilər və yaxın 12 ay ərzində əsas diqqətini ABŞ Konqresində keçiriləcək ara seçkilərə yönəldəcək.

Xatırladaq ki, nəşr yazıb ki, Mask biznes fəaliyyətinə fokuslanmaq və Respublikaçılar Partiyasından dəstək almaqda çətinlik yaşamamaq üçün öz siyasi partiyasının yaradılmasını dayandırıb.

Eyni zamanda iddia edib ki, Mask 2028-ci ildə prezidentliyə namizədliyini irəli sürərsə, hazırkı vitse-prezident Ceyms Devid Vensi dəstəkləmək üçün maliyyə imkanlarından istifadə etməyi planlaşdırır.

Türkan İsgəndərli