Çempionlar Liqası: “Qarabağ” “Şkendiya”ya qarşı

“Qarabağ” klubu bu gün UEFA Çempionlar Liqasının III təsnifat mərhələsində Şimali Makedoniya çempionu “Şkendiya” ilə cavab matçına çıxacaq.

TodayPress TV xəbər verir ki, Ağdam təmsilçisi Tofiq Bəhramov adına Respublika Stadionunda təşkil olunacaq görüşün favoriti hesab edilir. 

Səfərdə 1:0 hesabı ilə qələbə qazanan Azərbaycan çempionunun ev oyununu da xeyrinə bitirəcəyi gözlənilir.

Qeyd edək ki, bu duelin qalibi pley-off mərhələsində “Ludoqorets” (Bolqarıstan) - “Ferentsvaroş” (Macarıstan) cütün güclüsü ilə qarşılaşacaq. Uduzan tərəf isə eyni cütün məğlubu ilə UEFA Avropa Liqasının əsas mərhələsinə vəsiqə uğrunda yarışacaq.

Namiq HUN