Bağçalarda 58500 yer boş qalıb
“2025-2026-cı təhsil ili üçün bağçalarda 58500 boş yer olub”.
TodayPress TV xəbər verir ki, bunu Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Məktəbəqədər təhsilin təşkili şöbəsinin müdiri İlahə Rəsulova məktəbəqədər və ümumi təhsil ilə bağlı keçirilən brifinqdə deyib.
Onun sözlərinə görə, iyulun 18-də regional təhsil idarələri, 25 iyuldan isə Bakıdakı bağçalar üçün qeydiyyat prosesi başlayıb.
“Qeydiyyat başlayan gündən bu yana 32381 nəfər bağçaya qəbul olub. Lakin SMS-in gəlməsi uşaqların bağçaya qəbulu demək deyil. Valideynlər 7 gün ərzində sənədləri təqdim etdikdən sonra proses tamamlanır. Bu il ilk dəfə olaraq 7 gündən sonra qeydiyyat üçün gələn şəxslərin müraciətləri nəzərə alınmayacaq”.
Töhfə Səməd
