Maqnit sahəsinin zəifləməsi neandertallara necə təsir edib?

Miçiqan Universitetinin alimləri bildiriblər ki, təxminən 41 min il əvvəl Yer kürəsinin maqnit sahəsinin zəifləməsi neandertallar üçün təhlükəli ola bilərdi. Bu dövrdə radiasiya səviyyəsi artmış, bu da onların həyatına mənfi təsir etmiş ola bilər.

TodayPress TV xəbər verir ki, "Homo sapiens" növü o vaxt artıq qalın geyimlərdən istifadə etdiyi üçün bu şəraitə daha yaxşı uyğunlaşmışdı. Bu, onların sağ qalma ehtimalını artırıb.

Lakin arxeoloji tapıntılar göstərir ki, neandertallar da dəridən geyim hazırlamağı bacarırdılar. Alimlərin fikrincə, neandertalların yox olması daha çox "Homo sapiens" ilə rəqabət və qarışma nəticəsində baş verib.

Qiymət Mahir