Avstraliyada 100 milyon illik mirvari tapıldı

Avstraliyanın Kvinslend ştatının Riçmond şəhərində yerləşən Kronozavr Korner Muzeyi yaxınlığında aparılan paleontoloji qazıntılar zamanı nadir mirvari fosili aşkar edilib.

TodayPress TV xəbər verir ki, bu barədə "ABC News" məlumat yayıb.

Tapıntı muzeyin nəzarəti altında fəaliyyət göstərən qazıntı sahəsində bir könüllü turist tərəfindən üzə çıxarılıb. Təxminən 2 santimetr enində və mərmər ölçüsünə yaxın bu mirvarinin təqribən 100 milyon il yaşı olduğu müəyyən edilib.

Araşdırmalar başa çatdıqdan sonra qədim mirvari Kronozavr Korner Muzeyində sərgilənməyə başlanılıb, bu da onu paleontologiya həvəskarları üçün unikal eksponata çevirib.

Türkan İsgəndərli