İranla ticarət dövriyyəsi 8 %-ə yaxın artdı
Bu ilin yanvar-mart aylarında Azərbaycan və İran arasında ticarət dövriyyəsinin dəyəri 169 milyon 532 min ABŞ dolları təşkil edib.
TodayPress TV Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 7,8 % çoxdur.
Son 1 ildə Azərbaycanın İrana ixracının dəyəri 42,3 % azalaraq 2 milyon 848 min dollar, bu ölkədən idxalının dəyəri isə 9,4 % artaraq 166 milyon 684 min dollar təşkil edib.
Hesabat dövründə İranla ticarət ümumi dövriyyənin 1,8 %-i qədər olub. O cümlədən, İrana ixrac ümumi ixracın 0,05 %-ni, İrandan idxal isə ümumi idxalın 4,1 %-ni təşkil edib.
