Süni intellekt terapiyanı əvəz edə bilməz

Mütəxəssislər bildirirlər ki, süni intellekt (AI) əsaslı söhbət platformaları bəzi insanlara rahatlıq versə də, onları psixoloji cəhətdən sağaltmaq və dəyişmək gücünə malik deyil. 

TodayPress TV xəbər verir ki, AI empatiya və insani anlayışdan məhrum olduğu üçün psixoterapiya prosesini əvəz edə bilməz.

Terapevtlər insanın emosional vəziyyətini onun səs tonu, bədən dili və digər incə qeyri-verbal siqnallar əsasında qiymətləndirə bilir. Süni intellekt isə bu siqnalları dəyərləndirmək qabiliyyətinə malik deyil.

Bundan əlavə, AI ilə aparılan söhbətlər adətən istifadəçinin öz fikirlərinə uyğunlaşdırılır və bu, insanın yalnız eşitmək istədiyi fikirlərlə qarşılaşmasına səbəb olur. Halbuki terapiyada fərd bəzən reallıqla üzləşməli və özünü daha dərindən dərk etməlidir.

Mütəxəssislər həmçinin məlumatların məxfiliyinə diqqət çəkirlər. Süni intellekt platformalarında şəxsi məlumatların təhlükəsizliyi ilə bağlı risklər mövcuddur. Psixi sağlamlıqla bağlı həssas informasiyanın sızması ciddi nəticələrə yol aça bilər.

Türkan İsgəndərli