“Neftçi”nin qadın basketbolçuları Şanxayda məğlub oldu
Çində 3x3 basketbol üzrə Dünya Seriyasının mərhələ yarışı davam edir.
TodayPress TV xəbər verir ki, Şanxay turnirində Azərbaycanı “Neftçi”nin qadınlardan ibarət 3x3 basketbol komandası təmsil edir.
Ratomir Deliçin rəhbərlik etdiyi kollektiv Niderlandın “Amsterdam” komandası ilə üz-üzə gəlib. Qarşılaşma rəqibin 18:15 hesablı qələbəsi ilə yekunlaşıb.
Qeyd edək ki, basketbolçularımız Dünya Seriyasındakı ilk matçında Tailand təmsilçisinə 14:19 hesabı ilə məğlub olmuşdu.
Dünya Seriyasının Şanxay mərhələsinə mayın 17-də yekun vurulacaq.
Namiq HUN
