Frank: “Əgər Harri qayıtsa, yalnız sevinərik”
“Tottenhem” futbol klubunun baş məşqçisi Tomas Frank hazırda “Bavariya”da çıxış edən hücumçu Harri Keynin London təmsilçisinə qayıtmaq ehtimalı ilə bağlı fikirlərini bölüşüb.
TodayPress TV xəbər verir ki, o, bu barədə Sky Sports nəşrinə danışıb:
“Düşünürəm ki, ‘Tottenhem’in çoxlu azarkeşləri kimi, mən də Keyni yenidən komandamızda görmək istərdim. Əgər Harri bizə qoşulmaq istəsə, yalnız sevinərik”.
Qeyd edək ki, Münhen təmsilçisinin hücumçusu cari mövsüm bütün turnirlərdə 12 oyuna çıxaraq 16 qol vurub və 4 məhsuldar ötürmə edib. Forvardın klubla müqaviləsi 2027-ci ilin yayına qədər nəzərdə tutulub. Transfermarkt portalında Harri Keynin bazar dəyəri 75 milyon avro qiymətləndirilir.
Namiq HUN
