Alman məşqçi Levandovskini örnək futbolçu adlandırdı

Hans-Diter Flik Robert Levandovskinin “Barselona”dan ayrılmaq qərarına münasibət bildirib.

TodayPress TV xəbər verir ki, “Barselona”nın baş məşqçisi polşalı hücumçunun komandaya böyük töhfə verdiyini vurğulayıb.

“Belə səviyyəli futbolçu tapmaq asan olmayacaq. Mən bunu əvvəllər də demişəm. O, əla insandır və möhtəşəm peşəkardır. Biz onun üçün darıxacağıq, amma vəziyyətdən çıxış yolu tapacağıq. Komandanı yenidən formalaşdıracağıq”, - deyə Flik bildirib.

Almaniyalı mütəxəssis Levandovski ilə vidalaşma söhbətinin də yaxşı keçdiyini qeyd edib: 

“Qazandığım bütün titulları onunla birlikdə əldə etmişəm. Onunla işləmək mənim üçün şərəf idi. Robert inanılmaz peşəkardır. O, həmişə yüksək səviyyədə olub və bədəninə xüsusi diqqət yetirib. Bunu heç vaxt unutmayacağam. Levandovski gənc futbolçular üçün nümunədir”.

Qeyd edək ki, Robert Levandovski 2022-ci ildən “Barselona”da çıxış edir. Hans-Diter Flik isə Kataloniya təmsilçisini 2024-cü ildən çalışdırır.

Namiq HUN