Alkaras “Masters” turnirlərinin tarixinə düşdü

Peşəkar Tennisçilər Assosiasiyası (ATP) reytinqində  ikinci olan 22 yaşlı ispaniyalı tennisçi Karlos Alkaras, 1990-cı ildən tətbiq edilən format çərçivəsində, 23 yaşdan kiçik oyunçular arasında “Masters” turnirlərində ardıcıl 14 qələbə qazanan üçüncü idmançı olub. 

TodayPress TV xəbər verir ki, bu barədə statistik portal "Opta Ace" sosial şəbəkə “X”də məlumat yayıb.

Daha əvvəl bu uğura yalnız amerikalı Pit Sampras və ispaniyalı Rafael Nadal nail olub.

Sinsinnatida keçirilən turnirin 4-cü raundunda Alkaras italiyalı Luka Nardini 6:1, 6:4 hesabı ilə məğlub edib. Karlos “Masters”in 1/4 finalında dünyanın 11-ci raketkası, rusiyalı Andrey Rublyovla qarşılaşacaq.

Namiq HUN