Yaponiyada ayı hücumlarına qarşı mübarizəyə başlanılır
Yaponiyanın Akita prefekturasında ayı hücumlarının rekord səviyyədə artması yerli hakimiyyəti fövqəladə addımlar atmağa vadar edib.
TodayPress TV xəbər verir ki, prefekturanın qubernatoru Kenta Suzuki vəziyyətin nəzarətdən çıxdığını bildirərək Müdafiə Nazirliyindən yardım istəyib.
O, “Instagram”da yazıb ki, vəziyyət artıq yerli hökumətlərin imkanlarını aşır, buna görə Müdafiə Nazirliyi ilə əlaqə saxlamaq qərarına gəlinib.
Bu bəyanat oktyabrın 24-də Akitada baş verən hücumdan sonra səslənib. Hadisə zamanı dörd nəfər yaralanıb, onlardan biri həyatını itirib. Bu il Yaponiyada insanlara qarşı ayı hücumlarının sayı rekord həddə çatıb.
Türkan İsgəndərli
