Qazaxıstan İranın uran ehtiyatlarını qəbul etmək istəyir
Qazaxıstan İranla mümkün nüvə razılaşması əldə olunacağı təqdirdə Tehranın zənginləşdirilmiş uran ehtiyatlarını qəbul etməyə hazır olduğunu açıqlayıb.
TodayPress TV xəbər verir ki, bu barədə Beynəlxalq Atom Enerjisi Agentliyinin (AEBA) Baş direktoru Rafael Qrossi "Financial Times" qəzetinə müsahibəsində məlumat verib.
Onun sözlərinə görə, Qazaxıstanda AEBA-nın aşağı zənginləşdirilmiş uran bankı fəaliyyət göstərir və bu səbəbdən İran uranının təhlükəsiz şəkildə saxlanılması üçün uyğun infrastruktur mövcuddur.
AEBA rəhbəri qeyd edib ki, hazırda həm ABŞ, həm də Iran kompromisə hazır görünür və tərəflər razılıq əldə etməyə çalışırlar.
Məlumata görə, İranın zənginləşdirilmiş uran ehtiyatlarının ölkədən çıxarılması Vaşinqton və Tehran arasında mümkün nüvə razılaşmasının əsas müzakirə mövzularından biridir.
Bildirilir ki, məsələ bu həftə Astana şəhərində Qazaxıstan Prezidenti Kasım-Jomart Tokayev ilə keçirilən görüş zamanı da müzakirə olunub. Tokayevin bu məsələdə ölkəsinin açıq mövqe sərgilədiyi qeyd edilir.
Türkan İsgəndərli
