Paşinyan iyunun 20-də Ankaraya səfər edəcək

Ermənistanın Baş naziri Nikol Paşinyan rəsmi olaraq təsdiqləyib ki, o, Türkiyəyə səfər edəcək və burada ölkə prezidenti Rəcəb Tayyib Ərdoğanla görüş keçirəcək.

TodayPress TV xəbər verir ki, bu barədə məlumatı Ermənistan parlamentinin sədri Alen Simonyan təsdiqləyib.

Simonyanın sözlərinə görə, Baş nazir iyunun 20-də Ankaraya gedəcək və Türkiyə rəhbərliyi ilə danışıqlar aparacaq. Paşinyan mətbuata açıqlamasında bildirib ki, səfərlə bağlı ümumi gündəm üzrə birgə ictimai bəyanat planlaşdırılır.

“Razılaşmaya əsasən, bəyanatın detalları vaxtından əvvəl açıqlana bilməz”, - deyə o vurğulayıb.

Töhfə Səməd