Lukovski: "ABŞ təzyiqi artırmasa, Rusiya dayanmayacaq"

Rusiya Ukraynaya qarşı müharibədə hədəflərini dəyişmir və hərbi əməliyyatların dayandırılması yalnız ABŞ-nin təzyiqi ilə mümkün ola bilər. 

TodayPress TV xəbər verir ki, bu barədə Polşa Milli Təhlükəsizlik Bürosunun rəhbəri general Dariuş Lukovski məlumat verib. 

O qeyd edib ki, hazırda Ukrayna və Rusiya arasında sülh yolu ilə kompromisə dair heç bir əlamət yoxdur.

Generalın sözlərinə görə, cəbhədə ciddi itkilərə baxmayaraq, Moskva əvvəllər danışıqlarda irəli sürdüyü məqsədlərindən imtina etməyə hazır olmadığını göstərir.

Lukovski bildirib ki, bu şərtlər Ukrayna üçün qətiyyən qəbulolunmazdır.

Türkan İsgəndərli