Ərdoğan: "Xəzərdən keçən Orta Dəhliz layihəsini inkişaf etdiririk"
G20 Liderlər Zirvəsi üçün hazırlanan kitabda Türkiyə Prezidenti Rəcəb Tayyib Ərdoğanın çıxışından mühüm fikirlər yer alıb.
TodayPress TV xəbər verir ki, Türkiyə lideri qaydalara əsaslanan beynəlxalq ticarətdə islahatları dəstəklədiyini və ucuz, təhlükəsiz, davamlı enerjiyə çıxışın inkişaf etməkdə olan ölkələr üçün xüsusi əhəmiyyət daşıdığını vurğulayıb.
O qeyd edib ki, Çinlə Avropanı birləşdirən, strateji əhəmiyyətli Xəzərdən keçən Şərq–Qərb Orta Dəhliz layihəsinin inkişafı davam etdirilir.
Ərdoğanın sözlərinə görə, müasir nəqliyyat infrastrukturu və Bakı–Tiflis–Qars dəmir yolu xətti dünya ticarətinin genişlənməsinə ciddi töhfə verir.
Jalə Rövşən
