PSJ üçün ÇL-də şok gecə: 32 oyunluq seriya bitdi
PSJ klubu son 12 ildə ilk dəfə UEFA Çempionlar Liqasında (ÇL) Avropanın top-5 liqasına daxil olmayan komandaya məğlub olub.
TodayPress TV xəbər verir ki, bu barədə Opta məlumat yayıb.
Paris təmsilçisi UEFA Çempionlar Liqasının Liqa mərhələsinin VII turu çərçivəsində səfərdə Lissabonun “Sportinq” klubuna 1:2 hesabı ilə uduzub.
Oyunda hesabı 74-cü dəqiqədə Suares açıb. 79-cu dəqiqədə PSJ-nin gürcü futbolçusu Xviça Kvaratsxeliya tarazlığı bərpa etsə də, Suares yenidən fərqlənərək “Sportinq”ə qələbə qazandırıb.
Xatırladaq ki, PSJ ÇL-də top-5 liqalara daxil olmayan komandaya sonuncu dəfə 2013-cü ilin dekabrında - Lissabonun “Benfika” klubuna (1:2) məğlub olub.
Beləliklə, parislilərin Çempionlar Liqasında top-5 liqadan kənar komandalarla oyunlardakı 32 matçlıq məğlubiyyətsiz seriyası “Sportinq”lə qarşılaşmada başa çatıb.
Namiq HUN
