Heyvanları günvurmadan necə qorumaq olar

İsti havalarda itlər üçün günəşə məruz qalma minimuma endirilməli, gəzintilər səhər tezdən və ya axşam saatlarında həyata keçirilməlidir.

TodayPress TV xəbər verir ki, kiçik və tünd rəngli cinslər istiyə daha həssasdır, lakin iri itlər də risk altındadır.

Gəzintilərin müddəti azaldılmalı, ev heyvanı gölgədə saxlanmalı və daim su ilə təmin olunmalıdır.

İstilik vurmasının əlamətləri zəiflik, titrəmə, huşun itirilməsi və gözlərin donuqlaşmasıdır. Bu hallarda heyvanı sərin yerə aparmaq, tüklərini islatmaq və vəziyyət ağırlaşarsa, mütəxəssisə müraciət etmək tövsiyə olunur.

İtin üzərinə buzlu su tökmək isə qətiyyən məsləhət görülmür.

Türkan İsgəndərli