Hökumə Əliyeva ilə bağlı çəkilən film gələn ay təqdim ediləcək

Azərbaycan Kinematoqrafçılar İttifaqının (AKİ) katibi, Əməkdar incəsənət xadimi Ziya Şıxlinskinin Milli Qəhrəman Hökümə Əliyevaya həsr olunmuş "Hökümə - kədərim mənim" adlı sənədli filmi avqustda təqdim olunacaq.

TodayPress TV xəbər verir ki, bu barədə İttifaq məlumat yayıb.

Bildirilib ki, layihənin rəhbəri AKİ sədri, Xalq artisti Rasim Balayev, rejissor Ziya Şıxlinski, operator Yuri Varnovski, montaj rejissoru Mübariz Nağıyev, koordinator Əli İsa Cabbarovdur.

Xatırladaq ki, Bakı-Qroznı reysini yerinə yetirən “Embraer 190” tipli sərnişin təyyarəsi 2024-cü ilin dekabrın 25-də Aktau şəhəri yaxınlığında qəzaya uğrayıb. Qəza nəticəsində təyyarədə olan 67 nəfərin 38-i həlak olub. Həlak olanlardan üçü təyyarənin ekipaj üzvləri, - kapitan İqor Kşnyakin, köməkçi pilot Aleksandr Kalyaniniv və baş stüardessa Hökümə Əliyeva, - olub.

Hər üç ekipaj üzvü ölümündən sonra Prezident İlham Əliyevin Sərəncamı ilə "Azərbaycanın Milli Qəhrəmanı" adı ilə təltif edilib.