“Real”ın müdafiəçisinin zədəsi açıqlandı
Madridin “Real” klubunun futbolçusu Trent Aleksander-Arnold Çempionlar Liqasının Liqa mərhələsinin I turunda “Marsel”lə oyunda (2:1) sol ayağının arxa bud əzələsini zədələyib.
TodayPress TV xəbər verir ki, bu barədə klubun rəsmi saytı məlumat yayıb.
Bildirilir ki, futbolçu tibbi müayinədən keçirilib və onda sol ayağın arxa bud əzələsində zədə aşkarlanıb.
Qeyd edək ki, Aleksander-Arnold matçın 5-ci dəqiqəsində zədələndiyi üçün Dani Karvaxalla əvəzlənib.
Xatırladaq ki, matçda “Real”ın heyətində Kilian Mbappe penaltilərdən dubl edib. “Marsel”in qolunu isə Timoti Vea vurub. Matçın 72-ci dəqiqəsində Dani Karvaxal qırmızı vərəqə ilə meydandan qovulub.
Namiq HUN
